Khang internet, 48 kynta ha 4 tylli ki District

Shillong: Ka sorkar jylla, ka la pynbna ban khang ia ka jingtreikam jong ka internet ha East Khasi hills, West Khasi hills, South West Khasi hills bad Ribhoi District, na ka bynta kaba 48 kynta.

Katei jingkhang, ka trei kam naduh ka por 6 baje mynta ka janmiet, ong ka hukum, ba la pynmih da U Bah CVD Diengdoh, Secretary Home Department jong ka sorkar Meghalaya.

Katei ka rai, ka dei hadien ba la ioh jingtip, na ki pulit ka sorkar jylla, ia ki jingjia jong ki kam ia kynad bapher, ki jing pynjot pyn julor bad kiba pynthut ia ka suk ka sain ha ka jylla.