Khang iaid trok sha Tynring, ba mareh eksamin MPS

Shillong,15 Nohprah:
U Superintendent of Police ka East Khasi Hills Bah M.Kharkrang u pyntip ba yn pakhang iaid trok na Mawdiangdiang sha Tyn ring ha ka 17 tarik haduh 21 tarik Nohprah namar ka jingdon jong ka Physical Efficiency Test (PET) ba pynmareh ia ki samla ba ialeh kam Meghalaya Police Service (MPS).
U Bah Kharkrang u la ong ba kane ka jingkhang iaid kali heh ha kane ka surok kan long naduh ka por 7 baje haduh 5 baje janmiet ha kine ki saw sngi (17-21 tarik), bad tang ia ki Bus ba kit nongleit nongwan yn pyllait iaid ha kine ki sngi.
U la kyntu ruh ia baroh ki kali ba iaid ha kane ka surok ha kine ki saw sngi, ba kin iaid suki suki ha kine ki kynta khnang ba kan shngain ia ki nongmareh.
Ia kane ka eksamin thungkam MPS la pyniaid da ka Meghalaya Public Service Commission (MPSC) bad ka jingjngai jong ka jingmareh kan long 10Km ia ki shynrang bad 5 km ia ki Kynthei.