Khang iaid Bus ha Wah Umngi

Shillong,20 Naiwieng:
Ka Deputy Commissioner ,South WestKhasi Hills district Mawkyrwat ka kong R.Lyngdoh IAS ka la pyntip paidbah ba hadien ka jingleit jurip ba man ka por da ki bor district ia ka jingkieng Wah Umngi (photumbah) baduh ba la pyllait ia ki bus bad kiwei ki kali heh ban iaid lyngba katei a jingkieng, la lap ba ka don ka jingma kaba khraw ia ki paidbah nongshong kali bad ki paidbah nongleit nongwan kiba iaid lyngba katei ak jingkieng.
Namarkata, ka DC ka la pyntip ba khnang ban lait na kino kino ki jingma ia ki paidbah nongshong kali bad nongleit nongwan kiba iaid lyngba katei ka jingkieng , la shim ia ka rai ban khang noh shwa ia baroh ki Bus bad kiwei pat ki kali heh ban iaid lyngba katei ka jingkieng Wah Umngi(photumbah).Kane ka hukum kan treikam mardor naduh ka 21 tarik mynta u bnai tad haduh ban da pynbna da kum wei pat.