Khang ia kiba nabar, ban leit die jingdie sha iew Nongjri 

Shillong:Ka dorbar shnong Nongjri, kaba don hapoh jong ka South West Khasi Hills District ka la pyntip paidbah ba kan ym pat shah ia ki briew kiba na bar ban leit khaii ne die jingdie hapoh Iew Nongjri, khlem da ioh jingbit na ka dorbar shnong.

U Bah Mighter N Marwein Rangbah shnong, u la ong ba ka shnong kan ym pat shah ia ki briew na bar ba kin leit khaii ne die jingdie khlem da ioh jingbit na ka dorbar shnong. 

   U la iathuh ruh ba ka dorbar shnong  ka la khang pyrshah ia ki bar jylla ban wan khaii ne trei hapoh jong ka shnong Nongjri baroh kawei.
Kane ka jing khang ka long namar ba kam pat don ka jingshong  shngain namar kane ka khlam COVID-19.

Na ka liang ka dorbar shnong ka la maham tyngeh ia kino kino kiba wan khaii ne trei khlem jingtip jong ka shnong  tad haduh ba ka sorkar jylla kan pynbna bad ai jingtip da kum wei pat.