Shillong: Na ka jingdon kiba ioh pang khlam corona, kumta ka District Magistrate, ka la pynbna ban khang dam mynta ka sngi, ia ka iing jong U Rakesh Prasad Sah, U Anindya Deb bad U Ranadhir Pal, kiba shong ba sah ha RCC building jong U Ahmed, Upper Lachaumiere, kaba don hajan ka Angel’s Play School, nangta sa ka iing U Kamlesh Roy (uba shong wai ha iing ka kong Julie Nongbet), Bishnupur Inverneil bad nangta ka iing jong ka kong D. Lyngdoh Nongpiur, Lawsohtun Block 6. Katei ka jingkhang dam, ka trei kam naduh mynta ka sngi, ka 15tarik Nailur 2020.
Ha kawei pat ka khubor, ki bor District, ki la weng noh ia ka jingkhang dam ia ka iing jong U Baldeep Singh, ha ka Plot 1 Block A jong ka Sweeper Colony, Mawlonghat, Shillong, naduh mynta ka sngi. Katei ka dei kaba la pyntrei kam naduh ka 28tarik Nailar 2020.
Ha kawei pat ka hukum, la shah ruh ban plie noh ia ka dukan In Fashion, G. S. Road, Shillong naduh ka 15tarik Nailur 2020.
Phi don ban ong eiei?