Khang ban wan rah syiar na bar jylla

Khliehriat:U Deputy Commissioner ka East Jaintia HIlls u la pynmih ia ka hukum ban khang noh ia ka jingwanrah ia ki Syiar kiba na bar jylla.

Na ka liang u DC, u bah E. Kharmalki u la pynmih ia kane ka hukum lyngba hukum u Lat ka jylla ban khang lut ia ka jingwanrah syiar na bar jylla hadien ba ki la don ki katto katne ki jylla hapoh ka ri ki la ia kynduh jingeh namar ka la jingpang ‘Bird Flu’ lane ka Avian Influenza ka la pur kylleng.

Na ka bynta ban iada ia katei ka jingpang syiar ba kan nym ioh ban rung ha ka jylla, la pynmih ia kane ka hukum ban khang ia baroh kiba wanrah syiar na khappud ka jylla Assam shapoh ka jylla Meghalaya.