Shillong, 28 Naitung:
Ka Raid Nongkhlieng, ka la khang ban die ia ka jaka Ri raid hapoh jong ka khyndew ka Raid Nongkhlieng. La buh jingmaham ruh ba kino kino ki briew kiba die ia ka jaka Ri Raid ha ka khyndew ka Raid Nongkhlieng kin hap hapoh ka jingpynshitom kat kum ki kyndon bad ka Raid jong ka Dorbar pyllun. Kumta la kuntu ia kiba nabar Raid kim dei ban ngeit biej ban thied jaka ha ka khyndew jong ka Ri Raid Nongkhlieng. Ka jingiadie iathied barieh ia ka khyndew Ri Raid na ka liang ka Ophis jong ka Raid kam don ka jingkit khlieh.
La ong shuh shuh ba u Sordar jong ka Raid Nongkhlieng u la dep phah ia ka jingthoh ban pyntip sha ka ophis u syiem Khyrim, ka ophhis ka District Council (KHADC) bad ka ophis u DC East Khasi Hills District ym lah shuh ban register ia ka khyndew jong ka Ri Raid khlem ka jing mynjur na u sordar, ong ka kyrwoh khubor ba la pyllait da u bah Phonis Khongstid Sordar Raid Nongkhlieng Khyrim Syiemship.