Khang ban die bad shoh doh sniang sha Ribhoi District

Shillong: Ka District Magistrate, Ri Bhoi District, Nongpoh, ka la khang ban kit sniang na kiwei pat ki jylla sha Ri Bhoi district bad nangta la khang ruh ban die ne pyniap sniang haduh ban da pynmih hukum da kumwei pat.

Katei ka kyndon, ka dei namar ka jingbun palat ki sniang, kiba iap khlam ha Khlieh Umtrew bad ha Nongrim Nongladew, ha kaba la lap ba ki iap na ka khlam African Swine Fever. Nangta ka don ruh ka jing suba ia ka jing nang pur katei ka khlam sniang, ha ki shnong Umnget, Mawlyngkhung, Umsaitsning, Umdamli, Lumumpih, Umdohbyrthih, Nongjri, Umsohlang, Diwon, Umsohlait bad ha Bhoirymbong, ba ki don bun ki sniang, kiba don ia katei ka jingpang khieshoh sniang lane ka African Swine Fever (ASF).