Khang bad mana U DC ban iaid kali heh

Jowai, 30 Jymmang:
U District Magistrate ka West Jaintia Hills District hapoh ka kyndon 144 CrPC u la khang bad mana pyrshah ia baroh ki kali heh kynthup ia ki trok bad ki bus ban iaid lyngba ka surok Shangpung-Sutnga namar ka jingtlot ka jingkieng kaba don ha katei ka surok.
Katkum ka hukum ba la pynmih la shah tang ia ki kali rit ban iaid lyngba katei ka surok. Ia kane ka hukum la pynmih hadien ba la ioh ka jingtip na u Executive Engineer ka PWD (Rds) ba katei ka jingkieng kam long shuh kaba shngain ia ka iaid ka ieng jong ki paidbah bad khang ban iada ia ka jingim jong ki paidbah la pynmih ia kane ka hukum bad kan treikam mar mar tad haduh ban da dep ban maramot ia ka.