Ka kompeni Topcem, kaba tih mawshun na East Jaintia Hills jong ka Meghalaya, ka lah ban pynmih mawshun 4,600 ton ka dewbilat ha ka shisngi.
Ka khubor jong ka Northeast Now, ka pyntip mynta ka sngi, ba ki nong Shillong, ki nong Jowai, ki hap ban siew tam ia ka bai dew bilat, kaba long da T.40 haduh T.60 na ka shi byrni, ka dewbilat jong ka Topcem.
La iathuh da katei ka newsportal, ba ka dewbilat Topcem, ha Assam, ka long T.390 haduh T.420, katba ha Meghalaya ka long T.440 haduh T.450.
Ka Topcem, kaba ioh ban tih mawshun na ki jaka bapher, ka don ia ka karkhana shna dewbilat ha Thangskai bad ka ioh ruh ia ka jing myntoi, na ka sorkar Jylla, lyngba ka North East Industrial & Investment Promotion Policy (NEIIPP), hynrei ka khein pat ha ka dor kaba rem ia ki nongthied kiba dei na ka Jylla.
Phi don ban ong eiei?