Kham riew spah ka Sonia, ban ia ka Syiem Elizabeth, ong U David “T.80 klur tang ka bai tiket na Meghalaya”

Shillong,4 Iaiong:
Ka seng BJP mynta ka sngi ka la kynthah jur ia ka seng Congress ha ka jingialang ialap elekshon kaba la long mynta ka sngi ha iew Pynursla, ha katei ka jingialang kaba la wan ban pynsngew sha ki paidbah da u kyrtong ka BJP u Ma Shibun Lyng doh, la don ryngkat ruh kiwei pat ki nongialam ka seng ba kynthup ia u bah H.S Syiemlieh President barim ka BJP, u bah David Kharsati u nongialam ka seng UDP uba dang shu pyniasoh shen bad ka BJP.
Shuwa ba u kyrtong u bah Shibun un ai jing kren, la ioh ki jingkren na ki nongialam jong ka seng BJP bad ha ki jingkren u ba Kharsati u la takrain tyngeh ia ka seng Congress khamtam ia ka Pre sident jong ka, ka So nia Gandhi, u la ong ba ka Sonia Gandhi ka la dei ka briew kaba la ioh ia ka nam riewspah tam bad ka la wan ba hynriew ha ka jingriewspah ha ka pyrthei baroh kawei, ‘ka Sonia Gandhi ka kham riewspah ban ia ka Syiem Elizabeth’ ong u bah Kharsati, shuh shuh u la ong ba ki la don ki paralok ba ia jan jong u kiba la iathuh khana ba tang na kane ka jylla Meghalaya ruh ka Sonia ka ju khur da ki klur klur tyngka tang na ka bai tiket ba ki kyrtong ba kwah ia khun na ka Congress ki leit theh tyngka sha ka, ‘don kiba ong ba uwei u kyrtong ba kwah tiket u leit ban bret pisa haduh T.12 klur ruh, tang ha kane ka elekshon MLA ba dang shu dep ki ia thuh khana ba ka bai tiket Congress hangne ha Meghalaya ka la mih haduh T.80 klur tyngka’ ong biang u bah David uba la don kumba 17 snem bad ka seng UDP.
U bah Shibun Lyngdoh u kyrtong ka BJP u la takrain tyngeh ia ki rukom treikam ka sorkar Congress, u la ong ‘ha Jaintia bad ha West Khasi

hills ki la beh ia ka seng Congress’, u ma Shibun u ong ba ka daw ka jingsat palat ki paidbah Jaintia bad West Khasi Hills ia ka Congress ka dei namar ka FDI ne ka Foreign Direct Investment, kaba la pynduh nong ia ki trai dewiong, namarba u dewiong um iaid iew shuh ba la wanrah nabar. ‘Ka jingiasoi ia ka FDI ka la pynhiar dor wat ia ka pisa India ruh, ka pisa India ka la kylla kot sada , lada ngi bret ia ka lut T.1000 tyngka ha Singapore yn ym don nongkhar ei, namarba kam don dor haba ia nujor bad ki pisa jong kiwei pat ki Ri’ ong u Ma Shibun.
Ka BJP ka la kynthah ruh halor ka jingkam u heh Congress ba na Delhi , ba u bah Vincent Pala u dei u MP ba tbit, u bah HS Syiemlieh President barim ka UDP u la ong ba lada u bah Pala u dei uba tbit ka Petrol ka Diesel kan ym kiew dor haduh 14 sien shisnem ha kane ka jylla, ki marbam , u piat un ym kiew dor haduh T.100 tyngka shi kilo, ki heh ka BJP ki la pynkynmaw ia ka por ba ka BJP ka wan ha ka bor synshar ha ka Ri, ba ki marbam ki hiar dor, ‘ki nongdie Rashon ki khanglut ki dukan rashon, namar ym don nongthied ki paidbah ki tur beit sha ki dukan iew ba tad ki mar’ ong biang u bah Syiemlieh.