Kham donkam tower mobile ban ia ka surok, ong u Purno

Shillong, 18 Jymmang:
U Speaker barim ka Lok Sabha u Purno Agi tok Sangma uba dei mynta u MP Tura ka Lok Sabha, u la ong ba ki paidbah mynta ki la kham donkam ia ka tower mobile ban ia ka surok.
Haba kren mynta ka sngi Nyngkong ha San char Seva Padak Award 2015 jong ka Bharat Sanchar Nigam Limited (BSNL) ba la pynlong ha State Central, Shillong, u Sangma u la ong ba ia ka thain Lamihngi la ker sawdong da ki ri ba mar jan bad namar kata ka long kaba donkam ia ka sorkar India ba kan peit bniah ia ka rukom pniar ia ka network ha kane ka thain.
“Ka network ka long kaba donkam bha khamtam ha kane ka thain”, la ong u Sangma.
U la ong ba namar ka jingduna ka network, ki paidbah ka jylla kiba sah ha ki ri ba marjan ki pyndonkam ia ka mobile network na Bangladesh.
“Ka sorkar bad ka BSNL ki la mang T. 5300 klur na bynta ban pyniar ia ka network ha kane ka thain”, la ong u Sangma.