Kha pylleng ki skain pyrjong, ha ki top um ka shnong Umket

Shillong, 16 Rymphang:
Ka seng Hynniew-trep Youth Council North khasi hills district, hynnin ka sngi, ka la leit jurip ia ka shnong Umket, kaba hap ha ka Umroi Constituency, namar ka jingkyr-duh umdih ha katei ka shnong bad ha katei ka jingleit ka seng, ka la lap ia ka jingkyrduh um dih ba ki paidbah nong shong shnong ka Umket ki lah mad lah 8 snem kynthih.
Na ka liang ka seng ka lap ruh ba ki jaka pynlang um ki long kiba jakhlia haduh katta katta naba ka top um ne filter kam long kaba khuid, namar lah shu ieh kumto khlem ju pyn khuid bad kaba sngewsangsot shuh shuh, ka long ba ka jaka pynlang um, ka dei kaba la dap da ki skain pyrjong ki ba kha pylleng hapoh top um bad nangta hapoh top lah dap da ka ktieh suda wat haduh ba ki skain ki ioh ban kharoi bad lah ban mih khniang jingpang ruh.
Ki paidbah ki la kam ba ki hap leit tong um, sha ki um pung shyngiar ba don kham pajih na shnong bad teng teng ki hap ban shu thied bad ki pynpaw ruh ba ka long lehnoheiei ka jingdon ka um PHE.