Ker siej, ba wan U President BJP

Shillong, 21 Iaiong:
Ka sorkar ka la pynker da ki siej na baroh ar liang jong ka surok bah ka thain Upper Shillong haduh Rhino na ka bynta ban pdiang burom ia u president rangbahduh ka BJP u Amit Shah uban wan poi lashai ka sngi ha ka nongbah Shillong.
Kan dei ka sien ba nyngkong ia u hehduh ka BJP u Shah ba un wan ban iuhkjat ha kane ka nongbah hadien ba u la shimti ia ka kam nongialam ka party ha kine ki bnai ba la dep.
Ym tang ka jingpdiang burom hynrei na ka liang jong ki bor pulit, ki la pynlong ruh ia ka jingpahara kaba biang ia kane ka jingwan u president ka BJP hadien ba ka seng HNLC ka la khot ia ka pakhang shnong lashai ka sngi ban pynpaw pyrshah ia ka jingwan jongu ha kane ka jylla.
Ha kane ka jingwan , u Shah un iakynduh ia ki nongialam seng sain pyrthei bym dei na ka Congress, ki nongialam niam, ki seng dewiong, ki sengbhalang bad kiwei nalor ki nongialam bad ki nongtrei ka party BHP ha kane ka jylla.