Ker kut ki paidbah ia uba kit droks, hap bom lathi ki pulit ha Rajpur

Shillong: U Bah Ialamlad Kharkongor, MPS, I/c SDPO Dadenggre West Garo Hills, u la ujor ba ha ka 9tarik Jylliew por 8 baje janmiet, u Akram Zaman ba dei u Secretary VDP jong ka shnong Rajpur West Garo Hills, u la iathuh ba don uwei u briew ba la buhrieh noh ha ka jaka jong u, namar ka jingim bym shngain shuh jong u ba u la shah byrngem ha kawei ka kynhun.
Mar ia tip kumta ki pulit ki la la leit sha kaei ka jaka bad la lap ia kumba 150 ne 200 ngut ki briew ki la ker sawdong ia ka jaka ba don uta u briew bad ki da khang ia ki pulit ban rah noh ia u bad ki pulit ki hap ban pyndonkam lathi bad ban pyn phet ia ki paitbah bad ki la ioh ban ialam noh ia uta u briew. Na katei ka jaka ki la rah noh iaki ar tylli ki thuk thuk ML-08E-8847 bad ML-08E-8862 bad kawei ka maruti Wagon-R AS-01P-5199.Hadien kane la kem noh ia u Nur Abdus Alom na New Farttapara South Salmara na jylla Assam, namar la kem da ki samla ka dong halor ka jingsuba ba u dei u nongdie drok bad haba la talasi ia ka jaka ba u Nur Abdus Alom u la phet, la lap ia ka song kuli rong saw ba la antad ba dei u kynja jingdih pynbuaid bad la bteng ban tohkit halor kane.