Kem & wat ai jamin ia ki nongpyniap briew: KSU Khliehriat

Shillong,28jymmang:
Ka KSU Khliehriat Circle hapoh ka jingialam u Ma Satly Ryngkhlem, President bad Samla Cherity Suja (General Secretary) bad kiwei ki para dkhot ki la leit ia kynduh ia u Deputy Commissioner jong ka EJHD ban buh ia ka mat jingda wa halor ka jingshah pyn iap dusmon jong ka long iing jong ka Kur Salahe hapoh ka shnong Umkyr pong(Sumer Patorship) ha ka 26 tarik u jymmang, 2014.
Kum ban shu pyn kynmaw, Ka kynhun ru nar(Gang) ba kumba 20 ngut kiba rah da ki tiar pynmynsaw kum ki suloi, wait, nar, maw ba lamkhmat da u Shngain lamare, Marbud Iakai, Bud paslein na Umkyrpong bad u Sen paslein, Loin paslein bad Boi Paslein na ka shnong Pala ki la wan thombor bad pyniap ia ka Kong Desment Salahe bad u Nes Salahe bad pynmynsaw jur ruh ia ka Kong Ribhamiki Salahe bad ma Priwes Salahe ha ka por 5:30 janmiet.
Ka Seng ka Kynthoh beit ba kane ka long ka jingthmu pyniap ia baroh ki dkhot katei ka longiing bad ka long kaba la Iasylla lypa khlem ka nongrim kaba skhem da kitei ki kynhun runar.
Ka long ka jinduh kaba khraw ia katei ka longiing.
‘Ngi kyntu jur ia ki bor sorkar ba kin kem mardor bad pynshitom da kaba tyngeh ia kitei ki nongpyniap briew bad dawa ruh na ka ain ha ka Fast Track Court bad ban ym ai Jamin ia ki kata ban set byndi ia ki khamslem namar ka jingiaid laitluid jong kum kitei ki jaitbriew ka pynbuh ia ka iing ka sem jong kitei kiba shahktah ha ka jingma’, la pynpaw u Samla Satly Ryngkhlem, President KSU Khliehriat Circle ha ka jingiakren bad u DC.
Ha kane ka sngi ruh, Ka seng ka la Pynrem jur ia kum kine ki jingjia bad ka pynpaw ia ka jingsngewkhia halor ka jingnangbteng ki kam sniew/runar bad ka jingbymdon ka shongsuk shong shngain(Law and Order) hapoh ka District.
Na ka liang u DC, U la kular ban ym pyllait ia katei ka kynhun runar (Gang) na ki kti jong ka ain bad u la kular ban shimkhia ha ka ban pynioh ia ka hok jong katei ka longiing.
‘Ngi don ka jingshaniah bad ka jingsngewskhem ba baroh kito ki riewsniew kin shah kem shen bad ngat ruh ha ki kyndon ain na ka bynta ka jingbishar khuid ha ki kti jong ka ain khnang ban pynioh ia ka hok jong katei ka longiing. Ka seng kan shim da kiwei ki rai lada ki bor sorkar kim leh kumba ki la khlei’, la pynpaw u samla Cherity Sujta, General Secretary KSU Khliehriat Circle.
Shwa kane ka jingiakynduh ia u DC, ka Seng ka la ia buh ruh ia kane ka juh ka Memorandum hakhmat u SP, Ma MK Dkhar, jong kane ka District. Ha kane ka sngi, la ia don lang bad u Ma SS Niangti, General Secretary KSU Jaintia Hills District Unit.