Kem trok kit dewiong ki pulit

Shillong, 23 Rymphang:
Ha ka 22 tarik ki pulit ka South West Khasi Hills ki la ioh bat ar tylli ki trok kit dewiong ki bym don Challan, la bat ia ki ha Jakrem kaba hap hapoh Mawkyrwat PS bad ki la kurup ruh ia kitei ki trok da kaba pynngat ha ka kyndon aiñ P.S. C/No. 4(2)16 u/s 188 IPC R/w Sec 181/192/192(a)/196 M.V Act . La ioh jingtip ba kitei ki dewiong ki dei kiba la thmu ban pynhap ha Mawngap hynrei hadien ba la wad jingtip bha ki pulit ki la ioh bat ia ka jaka pynhap dewiong ha ka ka shnong Lait pynter kaba don ha Mawngap Out Post.