Shillong, 15 Nailur:
Ki thei die met ban kamai pisa bad ki rang thied met ban pynsngewbha iaka jingkwah brai ka doh, ki la nang roi bad pur shaduh ki jaka kyndong kynshrot ki bym poi pyrkhat, ha kine ki sngi.Kum kane ka jingjia myn ha ka miet 1 tarik mynta u bnai, ka Seng Samla ,ki bor shnong bad ka Synjuk Sengkynthei jong ka shnong Sohra, ki la ioh kem noh ia 3 ngut ki thei die met ba kynthup ia ka Lakshmi Das, ka Trishna Das, bad ka Balarihunshisha Thabor, katba ki dang muja ka leh awria arngut ki shyrang ba kynthup ia u Sanjeev Das bad u Vikash Thapa, kiba dei ruh ki bar jylla na Shillong, ha iing shongwai ba ki sah.
La tian bishar iaki ha iing dorbar Shnong bad kitei ki kynthei ki la phla ba ki la leh ia katei ka kam la katto katne por na ka bynta ban kamai pisa.Hadien ka jingbishar ka shnong la aiti noh pat iaki sha ki bor pulit ban leh ia kaba donkam.Kumta na ka jingmih kum kitei ki jingjia, na ka liang kitei ki bor ba peit ia bha ka miat jong ka shnong , ki la maham tyngeh iaki trai iing ba ym dei ban ai wai iing pathar iaki briew ba nabar khlem da ioh iaki jingpynshisha kiba biang kum ki Residential Certificate bad Character Certificate, nalor kata ruh ki dei ban da pyntip sha ki Matabor jong ka shnong khnang ban tehlakam ia kino kino ki jingjia ba sngewsih bad bakhlem akor. Shuh shuh na ka liang ka Seng Samla ka byrngem tyngeh ba lada kan dang lap nadien kane ia kiba leh kum kitei ki kam awria, kan ym riej ban ai ka jingpynshitom ba tyngeh ryngkat kabor shnong.Ka seng ka maham ym bym bit shuh ban pynieng kali miet, ha ki jaka badum ; ong ka kyrwoh ba la pyllait da u Sinoraa War General Secretary Seng Samla Saitsohpen Sohra.
Phi don ban ong eiei?