Kem pang kynsan, ka Sonia ha Parliament

New Delhi, 26 Nailar:
Ka Sonia Gandhi, kaba dei ka nongialam ba heh duh jong ka seng Congress, ka la mih noh kyn san na Parliament, mynta ka janmiet, ha ka por 8.15eiei, ba la synran da u khun jongka, U Rahul Gandhi, ha ryngkat bad ka myntri Kumari Selja.
La iathuh ba ka Sonia, ka la leit mar mar ban shah sumar sha AIIMS bad katei ka dei hadien ba ka la don ka jingiatai nia kaba jur bha, ha Parliament mynta ka sngi, halor ka mat jong ka Food Security Bill, kaba dei ka ain, kaba la thmu ban pynurlong ha ka dorbar Lok Sabbha mynta ka sngi.
La iathuh ba ka Sonia, ka don ka jingpang shadem bad nangta sa ka jingpang khieshoh naduh ka Sngi U Blei. La leit ialam mar mar ia ka, sha ICU, kum ka lad ban shu phikir lypa, ia ka jingkoit jingkhiah jongka, ong u nongkren na AIIMS.
Ym lah ban tip, la ka Sonia, kan shah sumar ha katei ka Hospital ne kan leit phai noh sha iing mynta ka miet, ong ka khubor.