Kem nongkhalai ha Lad Umroi

Shillong, 19 Lber:
Ka Confederation of Ri Bhoi People (CORP) Eastern Zone lyngba u President bah G Kharsyntiew ka la maham jur ia kino kino ki briew kiba wan shangkai pyngngad ha Lad Umoi, Barapani Ri Bhoi District ba kim dei ban pynlong ia katei ka jaka shangkai pyngngad kum ka jaka iakhalai ne iadih kyiad kaba lah ban wanrah ia ka jingiashoh iadat bad kiwei kiwei.
U la ong ka seng dangshen, ka la ioh ban kem ia ki hynriew ngut ki briew katba ki dang muja ban iakalai ban iathong pisa kiba dei na sha kiwei ki jaka, ha katei ka sngi kum ka jingmaham ka seng ka la ai jingsneng ia kitei ki briew shwa ban pyllait ba kim dei ban mliem shuh ia kum kitei ki jaid kam ha katei ka jaka.
Halor kane, na ka liang ka seng ka kyntu ia ki paidbah ba kiba wan shangkai ba kim dei ban pynlong ka jaka iakhlai ban iadih kyiad khamtam ki khynnah samla kynthei, namar ka seng kam kwah ba katei ka jaka shangkai kan long ka jaka jingiadih kyiad bad iakhalai kaba lah ban wanrah ka jingiashoh iadat bad ki jingjia ba sngew ia ki paidbah.