Kem nongkhaii Ganja na Mylliem

Shillong, 28 Lber:
Ha ka 27 tarik mynta u bnai ha ka por 12:15 baje eiei ki pulit ka Mawngap Outpost bad ki ophisar jong ka Narcotic Control Bureau, Guwahati Zonal Unit, Assam, hadien ba ki la ioh jingtip kaba thikna ki la leit ban khynra ia ka ingsah jong u Pratab Paul 60 snem karta uba shong basah ha Mylliem ha Madan Ing Syiem bad ha katei ka jingleit khynra ki pulit ki la ioh kurup 363.288kilo ki Ganja na katei ka ing bad ki la kem noh ia u Pratab.
Katkum ka jingtip kaba u Rupang u la ioh lum la ong ba u Pratab u dei u bar jylla uba la poi kha ha Mylliem la slem bha, u dei u kurim jong ka kong Morlia Kharbuki. Katkum ka jingtip ba la ioh lum la ong ba u buhrieh ia kitei ki Ganja sha kyrpong ing jong u bad hadien ba ki briew katei ka shnong ki la ioh jingtip ki la pyntip sha ki pulit bad la ioh kem ia u.