Kem nongkhaii drok ki pulit na Laitumkhrah

Shillong, 7 Lber:
Ha ka 6 tarik mynta u bnai katba ki pulit iaid pahara jong ka Laitum khrah ki dang iaid pahara ia katei ka thaiñ ha Laitumkhrah Lum mawrie, iew Laitumkhrah bad Fire Brigade ban peit ba kan ym don kano kano ka jingthud ha ka International Trade Fair, ki la lap ia kawei ka kali Zen kaba don ia ua registeration nombar WB-02-U-4637 kaba pynieng ha Lum mawrie bad katba ki dang tohkit ki la lap ba uwei u briew uba la tip kyrteng kum u Wanker Thubru ,24 snem karta na Mawlai Nongkwar u dang khaii drok.
Ha katei ka por ki la pulit ki la sdang ban talasi bad ki lalap haduh 5.89kram u drok heroin uba la song ha ka synduk sabon bad kawei ka tin Golden ryngkat ka pisa kaba T.26,050 tyngka kaba dei ka pisa kaba mih na ka jingiadie ia thied drok. Hadien ba la ioh kem ia u Wanker da ka jingialam jong u ki pulit ki la lap ioh ban kem sa ia kawei ka briew kaba na Manipur kaba la tip kyrteng kum ka Ngaihnu Vaiphei, 38 snem karta kaba shong ba sah ha Thembasuk Block E Madan rting katba ka shnong trai jong ka pat ka dei na Gangpimul,Churachandpur, Manipur bad na katei la ioh kurup haduh 13.48kram u drok heroin.
Katei ka longkmie ka dei ka snar khaii drok bad ka la shah kem teng ruh ha ki pulit ka Madanrting PS C/No. 70(5)15 u/s 21(b) NDPS Act. Baroh khoit ki drok ba la ioh kurup ki poi 19.37kram kiba shongdor kumba T.2 lak tyngka eiei. La rejistar ia katei ha Laitumkhrah P.S. C/No. 38(3)16 u/s 21(b) NDPS Act.