Kem nongdie kyiad beain ka Namdong

Jowai, 18 Nailar:
Ka DS Namdong ryngkat bad ka VDP jong ka shnong ka la ioh kem ia ki nongdie kiad be-ain na ka shnong Thadmynri kiba la wan shet bad die be-ain ia kane ka kiad pyrsi hapoh u pud jong ka shnong namdong ka shnong na duh u snem 1996 haduh u snem 2015 ka la mana ia kine ki briew man ka por bad ha ka por ba ioh kem ki la sangeh bad ha dien katto kattne por ki la sdang biang ia kane ka kam.
 Kumta ka shnong mynta u snem ruh ha ka 13 Nailar 2016 hapoh ka jingialam jong u Waheh Shnong bah. D Lyngdoh bad ki nongkitkam Shnong ryngkat bad ki VDP ka la ioh kem biang ia kine ki briew ia kiba la tip kyrteng kum ka Synshar Swer bad ka Syngkur Swer bad ka shnong ha kane ka sngi kam shem la pynshitom ia kine ki briew bad ka la theh tang ia kane ka kiad sha madan khnang ba kin duh ban die, bad ha dien kane ngi la buh ka jingmaham ban ym die shuh naduh mynta ka sngi bad ha kane ka sngi ngi na ka liang jong ka shnong ngi la buh ka jingmana ba khatduh bad la da ngi shem ba phi dang bteng ia kane ka kam ngin pynshitom katkum ka ain namar tang na kane ka daw la mih shibun ki jingkulmar ka jingiashoh ia dat ha ka imlang sahlang manla ka sngi.