Kem nongdie drok na Umsohsun

Shillong, 25 Nailur:
Ha ka janmiet sngi Saitjain, ki pulit Special Cell kila ioh ban kem ia uwei u briew uba donkti ban die bad dih drok na Umsohsun.
Ia une u briew uba kyrteng u Daniel Khongwir ba sah ha Sanmer, la ioh kem hadien ba ki pulit ki la pynlong ia ka jingbuddien bha ia u naduh Khyndailad sha duh Motphran bad hiar sha Umsohsun. Ki pullit kila ioh ban kem ia u katba u dang thmu ban die ia u drok sha ki briew kiba dang ap ban iakynduh ia ki ha katei ka jaka, kiba her krad noh wut mar syn iohi ia ki pulit.
Hadien ba la kem ia u, la pyntip sha ki Narcotic Cell ba kin wan ha kane ka jaka ban leh ia ka jingtohkit baroh bad ban test ia ki kynja powder kiba la ioh kem la ki dei ne em ki drok kumba kila suba.
Hadien ba la tes la shem ba u dei shisha u drok herion bad la kurup noh na ka met jongu ba la thep ha ki tin khaini kaba 1.58 gram. Na u la ioh ban kurup T.1861 tyngka bad kawei ka mobile phun.