“Kem mardor ia ki nongther maw dur Jisu”

Shillong, 29 Nohprah:
U MDC ka Mawlai u Bah Process T Sawkmie u la pynrem jur ia ki briew ba ther maw ia ka dur jong u Jisu Khrist ha Mawlai Phudmuri ha ka miet 24 tarik Nohprah  kaba dei ka miet ba ki paid riew ngeit Khristan ki dang ap ia ka sngi leh kmen ia ka jingwan longbriew u Jisu sha kane ka pyrthei.
“Nga pynrem jur ia ki briew ba donkti ban ther maw ia ka dur jong u Jisu ha Mawlai Phudmuri”, la ong u Bah Sawkmie ha kane ka sngi Hatmajai.
U la ong ba ki pulit ki dei ban kem mardor ia ki briew ba donkti ha kane ka kam kaba pynsngewsih ia ki para ngeit Khristan.
U MDC ka Mawlai u la ong ba kane ka dei ka jingjia ba sngewsih bad dei ban pynrem da baroh.
Lah ban kdew ba ha ka 24 tarik, ki runar ki la ther maw ia ka dur mot jong u Jisu Khrist kaba pynieng bad da ka iit ka la shah ther maw haduh ba ka iit ka la pait. Ia kane ka dur mot jong u Jisu Khrist la pynieng da ka Balang Katholik.