Kem ki pulit shynrang ia ka kong Paliar

Shillong,21Naiwieng:
Ka kongAgnes Khar shiing President ka CSWO bad ka kong Angela Ryngad ki la ong ba kin leit ra sha ki bor ba halor halor ka jingshah kem ka kong Testaiphul Paliar. Kitei ki nongialam sengbhalang ki la ong ba kin leit ban ujor sha ka National Human Rights Commission (NHRC) namar ka jingshahbeh shnong ka kong Paliar. Ki la ong ba ka jing shim rai ka Dorbar shnong ban beh shnong tang na ka daw ka jingkynriah Balang ka dei ka jingpynkhein jong ka ia ka hok longbriew man briew.
Kitei ki ar ngut ki nongialam sengbhalang ki la kynnoh ruh ba ka jingkem ia ka kong Paliar ka dei ka jingkem kaba be-ain bad ki la ong ba kin leit ban buh da ka jingujor kaba thymmai sha u khlieh duh ka tnad pulit u Director General of Police (DGP) pyrshah ia ka jingleh sting jong ki pulit kiba la kem be-ain ia ka kong Paliar bad ba la set ia ka haduh shibnai shiteng hapoh phatok khlem ka jingkhot hajir eiei.
Ka kong Agnes ka la ong ba kin leit ban dawa ba ki pulit kiba la kem ia ka, ki dei ban shah pynshitom nama rba la kem ia ka kong Paliar khlem ki pulit kynthei bad ka la kynnoh ruh ba ka jingkem ia ka, ka la poi haduh u pud ba kam iohi shuh ia la ki khun.