Kem ki pulit Shallang ia ki runar kiba thmu lute na Songsak

Nongstoin, 22 Iaiong:
Ha ka miet jong ka sngi palei mynta ka taiew ki saw ngut ki runar kila ngat noh ha ka ruh nar jong ki pulit ka Shallang, katba ki dang thmu ban leit tuh bad lute na ka shnong Songsak kaba don ha ki thain Shallang.
U SP ka West Khasi Hills u bah S. Nongtnger u la iathuh ba kitei ki runar kila pynshang ban leh ia katei ka kam tuh kam thiem ha ka por miet da kaba thmu ruh ban pyntieng bad pynsmiej ia ki briew da ka suloi kai kaba la shna pynia syriem thik kum ka suloi AK, bad katei ka jingthmu ka jong kitei ki saw ngut kala pulom noh namar ka jinglap noh jong ki paidbah nongshong shnong ka Songsak.
Shuh shuh u la iathuh ruh ba hadien ba ki paidbah ka shnong Songsak kila ioh ban kem bad bat noh ia kitei ki runar kiIa aiti noh ia ki sha ki pulit ka Shallang, bad ia kitei ki saw ngut la tip kyrteng kum u Rakas M Sangma u ba na Rongmil, u Krepis R Sangma na Nongjri, u Jingat M Sangma na Mijolgre kaba hap hspoh ka Rongjeng PS bad u Silvastin G Momin u ba na Mawbon under.
Hadien ba ki pulit kila kem noh ia kitei ki runar kila kurup ia katei ka suloi AK kaba kai bad na ka liang jong ki pulit ka Shallang kila register case ruh pyrshah ia ki ha shallang PS.