Shillong: Mynta ka sngi, ki pulit ki la ioh ban kem sa arngut ki briew kiba donkti ha ka jingtep im ia u Bah Moris Marngar ha Nongdisong kaba hap ha West Khasi Hills district.
Kine arngut kiba shah kem ki dei kiba la tip kyrteng kum ka Sildaris Marngar, 21 snem ka rta bad bad ka Ephrilda Marngar 54 snem ka rta. Haduh mynta ki pulit ki la ioh ban kem haduh 23 ngut kiba don jingiadei halor kane ka jingdonkti ban pyniap ia u Bah Moris.
Kumban shu pynkynmaw, u bah Moris Marngar u la shah tep im ha la ki pyrsa ha ka 7 tarik Risaw 2020 halor ka jingkynnoh ba u donkti ban aiksuid ia kawei ka pyrsa jong u kaba shitom la 3 bnai. Ia kane ka jingtep im ia u bah Moris la ioh jingtip dei hadien ba ai jingujor u rangbah shnong halor ka jingjah klep u Bah Moris na shnong.
Jingsted pulit ban kem ia ki para khasi… Katna ia ki khyllah jait ba pyniap ia u dkhot ksu ha Ichamati katta ruh pat ioh kem lut…. Pulit dei khun tham shisha