Kem ki Pulit Ri Bhoi ia u rangbah na Laban, halor ka jingshah kynnoh khaii drok

Nongpoh: Uwei u rangbah uba la tip kum u Anup Sen na Laban Shillong, u la shah kem noh ha ki Pulit Ri Bhoi, kata ka dei hadien ba u la shah kynnoh ba u dei u nongkhaii drok na Guwahati sha Nongbah Shillong.

Katei ka jingiohkem ki Pulit ia utei u Rangbah, ka la jia hynnin ka miet ha ka por 8 baje eiei mynmiet ha Umsning, ha kaba ka jingiohkem ki Pulit Ri Bhoi ia u, ka dei hadien ba ki la ioh jingtip kaba biang halor ka jingdon uwei u rangbah, uba la thmu ban pynpoi drok sha Shillong, kumta haba ki la pynap shrip ha Umsning, kaba la pynlong ba kin iohkem ia utei u rangbah.

Utei u rangbah, u la shong da kawei ka sumo kamai kaba don ia u Number ML 05-S-6642 bad haba ki la talasi ïa katei ka kali, ki la talasi ia katei ka kali, ki pulit ki la ioh ban kurup 2 tylli ki synduk ba la song ïa u drok ryngkat ka pisa kaba T. 10880

Ki pulit haba ki la ioh ban kem ia utei u rangbah, ki la tohkit ruh ban pynshisha ia utei u drok kaba la ioh ban kurup bad hadien kata ki la register case pyrshah ia u bad kiba la pynhap ha ki kyndon Ain ka NDPS.