Kem ki pulit Ladrymbai ia u suba nongpyniap briew

Jowai, 11 Jymmang:
Hadien ka jingthwet kaba jur la katto katne bnai, ki pulit ka Ladrym bai Beat House ha East Jaintia Hills ki la ioh kem ia uwei na ki saw ngut ki suba donkti ban pyniap ia uwei u briew uba la tip kyrteng kum u Demerius Siangshai uba dei na ka shnong Pamrakmai shnong kaba la jia naduh u bnai ba nyngkong une u snem.
Ia utei uba la ioh kem la tip kyrteng kum u Tubalang Siangshai na ka shnong Wapungskur. Ki pulit ki la iathuh ba la iohkem ia u hynne dang step phyrngap ha ka por 3 baje eiei mynstep na iing jong u hi na Wapungskur.
Ki pulit ki dang tohkit ia u bad ki dang thwet ruh ban iohkem sa ia ki 3 ngut kiwei pat kynthup ia u para jong u, u Ten Siangshai, ia u Nebalson Ryngkhlem bad u Rilang Ryngkhlem.
La kynnoh ba kitei ki saw ngut ki la bret ia ka met jong utei u Demerius Siangshai hapoh kawei ka khlaw sanium bad hadien ba ki pulit ki la lap ia ka met iap namar bym don ba wan kam la tep noh bad hadien pat la wan ki ba haiing bad sei biang bad la ithuh ban kam ia ka.