Kem ki pulit ka Shallang, ia uba don kti ha ka kam dawa pisa

Nongstoin, 4 Nailar:
Hadien ba ki pulit ka Shallang ki la ioh ban kem ia ar ngut ki runar kiba don kti ha ka kam dawa pisa na u wei u rangbah ha ka thain Shallang, mynta ka step ki pulit ka Shal-lang ki la ioh biang ban kem sa ia u wei u runar ba iadon kti lang ha katei ka kam dawa pisa.
U SP ka West Khasi Hills District, bah S. Nongtnger u la iathuh ba ia utei u runar la tip kyrteng kum u Sengkal R Marak 27 snem na ka shnong Omulpur kaba hap hapoh ka North Garo Hills Diatrict.
Shuh shuh u la iathuh ruh ba ki pulit ka Shallang kila ioh ban kem ia u tei u runar na ka shnong Sambalgre Williamnagar bad na ka liang jong ki pulit ki la dep ban register case pyrshah ia u C/No.27(7) 2016 u/s 384/506 IPC.