Kem ki pulit ia u runar ba thmu leh beijot ia I Heprit

Nongpoh: Da kaba buddien ia u runar uba la donkti ha kaba mut lehsniew ia iwei I Heprit ba dang 9 snem ka rta, ha kawei na ki shnong kaba don ha ka thain Umden ha Ri Bhoi District, myn hynnin ka sngi ki Pulit ki ioh ban kem noh ia utei u runar.
Lah ruh ban kdew hangne, ki bahaiing jong itei u Heprit tang mar ia tip halor katei ka jingjia, ki la leit ban ujor da ka Ejahar sha Nongpoh Police Station, hynrei utei u runar pat u la phetrieh noh na katei ka shnong bad tad haduh myn hynnin ka sngi, ba ki pulit ki la ioh ban kem ia u.
Utei u runar uba la shah kem noh ha ki Pulit, la tip kyrteng kum u Micheal Lamare, 20 snem ka rta bad halor katei ka jingjia, na ka liang ki pulit kin dang pynlong ia ka jingtohkit na ka bynta ban lap ia ki jingshisha baroh.