Kem ki pulit ia u rangbah, ba shah kynnoh nongshalan Drok

Nongpoh:Mynhynnin ka sngi ha ka por 1 baje eiei nohphaisngi, ki Pulit Ri Bhoi ha ryngkat ki Pulit ka Nongpoh Police Station, ki la ioh kem ia uwei u rangbah, uba la shah kynnoh ba ki la donkti ha ki kam shalan Drok na Guwahati ban pynpoi sha Nongbah Shillong.

Utei u rangbah uba la shah kem noh ha ki Pulit Ri Bhoi, halor ka jingshah kynnoh ba u dei u nongkhaii drok, u dei uba la tip kum u Dipankar Ghosh na Upper Jail Road, Shillong, ha kaba ki Pulit ki la ioh jingtip, halor ka jingdon uwei u rangbah, uba la mih na Guwahati, da ka jingthmu ban pynpoi Drok sha Nongbah Shillong, kumta haba ki Pulit ki la pynap shrip ha Shangbangla, ki la iohkem syndon ia utei u rangbah na kawei ka Suma kamai kaba don ia u number M-10-A-2089.

Haba ki Pulit ki la bat ia katei ka Suma Kamai bad haba ki la Talasi, ki la lap haduh 20 tylli ki song Sabon bad uba la ia u Drok Heroine uba don ia ka jingkhia kaba 191 gram. Haba iadei bad katei ka jingiohkem ia utei u Rangbah, ki Pulit ki la pynhap ia u ha ki kyndon kam runar bad la rejister Case ia u katkum ki kyndon ka NDPS Act.