Kem ki pulit ia ar ngut ki HNLC na Mawlai

Shillong, 19 Jymmang:
Ki pulit ka jylla hynnin ka sngi ha ka por 1 baje janmiet ki la ioh kem ia uwei u dkhot ka HNLC na Mawlai Mawroh  katba u dang thmu ban leit iakynduh ia ki nongiarap. Une u dkhot ka HNLC ba shah kem u dei u John Fishal Lyngkhoi ba 23 snem na Mawlai Nongkwar.
U SP u la ong ba katkum ka jingtohkit jong ki pulit une u dkhot ka HNLC u dang wan phai dang shen na ri Bangladesh sha Shillong ban pynlong ia ka jingpynrung dkhot ha ka seng bad ban lum pisa. Une u dkhot u HNLC u dei uba la shah kem teng saw sien kham mynshwa.
Une u nongiarap ka HNLC uba shah kem lang u dei u Roskin Phawa ba 55 snem na shnong Umkiang. Une ruh u dei uba la shah kem teng ha ki pulit ka Jowai uba donkti ban iarap ia ki HNLC.  U dei u nongiarap ban leit rung sha Bangladesh bad ruh ban lum pisa.
Ha kajuh ka por, ki pulit ki la byrngem ba lada don kiba la siew pisa sha ka seng, kin shah khyrwait ha ka ain bad yn pynngat mukotduma.
Ia kine baroh ar ngut la don ha kti jong ki pulit na ka bynta shiphew sngi babn pynlong ia ka jingtohkit.