Kem ki pulit ia 5 ki ehrang GNLA

Nongstoin, 05 Rymphang:
Mynta ka step ki Pulit ka Shallang ha ryngkat ki SWAT, ki la pynlong ia ka jingkhynra lehnoh kaba jur bha ha ka shnong Nongshram kaba don kham harum Shallang bad katei ka jingkhynra jong ki Pulit ka Shallang ka long kaba sei soh ha kaba ki la ioh ban kem haduh 5 ngut ki eh rang ka GNLA na katei ka jaka.
Kat kum ka khubor na ki heh Pulit jong ka District ka ong ba u wei na kitei ki 5 ngut kiba la shah kem ha ki Pulit u dei u Charles D Shira 25 snem u ba dei na ka shnong Dalbot WKH, u ba dei ruh u dkhot barim jong ka kynhun Achik National Central Liberation Army ANCLA u ba la leit pyndem ruh ha ki pulit ha Shillong ha u snem 2014 ha ryngkat kawei ka suloi AK.
Katba ki 4 ngut pat ki kynthup ia u Daniel M Sangma 26 snem na Rongkhugre WKH, U Juningbirth M Sangma 22 snem na Suangiri WKH, u Rajesh Sangma 24 snem na Dalbot A WKH, bad u Apseng G Momin snem na ka shnong Dalbot A.
Shuh shuh ki pulit kila ioh ruh ban kurup kawei ka kali Alto, kawei ka motor Bike, 2 tylli ki mobile phun ka Pass book bad 18000 tyngka na katei ka jaka.