Shillong 2 Naitung: Ki pulit ka North Garo Hills hadien ba ki la ioh ka jingujor na u wei u ranghah ha ka ba iadei bad ka jingshah tuh ia ka pisa ka ba 80,000 hajar tyngka ha ryngkat bad ki kot ki sla ba donkam bad ar tylli ki mobile fone bad simcard, ka ba la jia ha ka janmiet jong ka 18 tarik jylliew 2024, ba kitei ki briew ki ba don haduh 4 ngut ki ba wan da ka scooty bad da ka bike, ban pynap da ka pistol bad ban dawa pisa na u tei u rangbah.
Ki pulit ka North Garo Hills ha ka jingialam u Superintendent of Police ki la kem ia 3 ngut ki runar ki ba ka donkti ban leh ia katei ka kam dawa pisa.
“Nakaliang u Superintendent of Police ka North Garo Hills u Pawar Swapnil, IPS u la iathuh, ba ka kynhun pulit ka la leit sha Assam hadien ba ki la ioh ka jingtip ba kitei ki runar ki la phet rieh sha katei ka jylla bad ha ka janmiet jong ka 24 tarik jylliew 2024, ki pulit ki la ioh ban kem ia u wei u runar, ia u ba la rip kyrteng u Sunil Boro, 33 snem karta, la ioh kem ia u na Upper Borgoom, katba kiwei pat ki runar, ki ba la tip kyrteng u Kaltu Rabha, u Turti Basumatara bad u Sahadev Basumatara ki la lait phet noh.
Ka kynhun ki pulit na North Garo Hills ha ka 1 tarik u naitung 2024, ki la pyntip ba u wei u runar u ba la lait phet noh, ia u ba la tip kyrteng u Turti Basumatara u la leit ban aiti noh ialade sha ki pulit haryngkat ka pistol ba pyndonkam ha kapor ba lute ia u tei u rangbah.
Ha ka jingialam jong u Turti ki pulit ki la ioh kem sa ia u Sahadev Basumatara na khappud Assam bad Meghalaya najan ka Tikrikilla, West Garo Hills. Ki pulit ki la pyntip ruh, ba ka jingthwet sa ia kiwei pat ki runar kan danf iaid shakhmat.
Phi don ban ong eiei?