Kem ki pulit Assam, ia u SP, uba dawa pisa 2lak

Guwahati:U heh pulit ba la bat ia ka kyrdan Superintendent of police (SP) ba la tip kyrteng kum u Raj Mohan Ray, la kem noh ha ka sngi palei hadien ba la kynnoh ba u la bam pisa 2lak tyngka na kiba ha ïing jong u briew u ba la shah kynnoh batbor ia ka khynnah 13 snem ha Darrang distrik jong ka jylla Assam.

Ia u SP, la kem hadien ba la lap ia ki jing shisha da ka tnat tohkit crime investigation department (CID).
U Ray u la shim ia ka pisa ba long beaiñ na kiba ha ïing jong u briew ba la kynnoh batbor ia ka khynnah ba dang 13 snem karta, khnang ban pynjah noh ia ka mukotduma.

“U la shah kem ha ka mukotduma ba thymmai ba la register da ka tnat CID, ha ka prevention of corruption act bad ki kyndon aiñ jong ka Indian penal code” la ong ka jing pyllait khubor.
Hadien ba la peit bniah ia ki bank account jong kiba ha ïing u ba shah kynnoh, ki phone call, ryngkat kiwei pat ki jing don kam, ki pulit CID ki la lap ba u Ray u la ioh 2lak tyngka na kiba ha ïing u ba shah kynnoh batbor” la ong ki pulit.