Kem ki pulit ANTF, ia hynriew ngut ki nongkhaii, kurup droks na tnum iing ha Madanryting

Shillong: Ki pulit ka Madanriting ha ryngkat ki pulit ANTF jong ka S.P. East Khasi Hills, District ki la ioh bat ia ki shijur ki nongkhaii droks ha Madanryting bad hadien kata, la pynlong ka jingleit khynra, da ki pulit ANTF jong ka SP East Khasi Hills, Shillong.

Ha ka jingleit khynra, la ioh kurup ia 161 grams u heroin, na tnum iing jong ka iing ba la shongwai da ki shijur ki nong Mizo.
La iathuh ba la kem ia ki hynriew ngut ki briew bad kitei ki kynthup ia U Joseph Hmar (25) (2) U Vanlalzom – (40) (3) Ka Kimi Hmar (32) (4) Ka. Melody Chaksuak (43) (5) Ka Manguri Fanai (34) bad ka Nutei Tochhoang (37). Kitei ki dei kiba na Mizoram bad Manipur.
Lyngba kane ka jingshah kem, la nang sngewthuh mynta, ba ka Guwahati, ka dei ka kad bah jong ka jingkhaii droks bad ka surok bah Guwahati sha Shillong, ka dei ka kad bah ban wan kit droks sha Shillong.