Kem ki pulit 5 tylli ki pick up Bolero bad kawei ka trok, ba kit dewiong beain

Shillong: Myn hynnin ka sngi ki pulit jong ka Garo hills District kumba 01.40 baje mynstep ki la ioh ban kem ia ka wei ka truck kit dewiong beain ha ka shnong Dangkong, Garo Hills District kaba don ia u number AS 01 AD 5279 kat ba thmu ban pynlait ia u dewiong ha ki 5 tylli ki kali pick up Bolero, ki ba thmu ban leit shalan beain sha Assam.

Ki pulit ki la ioh ban kem ia uwei na ki nongniah jong ka kali pickup bolero u ba kyrteng u Jahangir Alam, 22 snem ka rta kat ba kiwei pat ki nongniah jong jong kine ki kali pick up bolero ki la phet krad noh na kane ka jaka.

Kine ki 5 tylli ki kali pickup bolero kiba ki pulit ki la ioh kem ki don ia u number AS 18 AC 0634 ,ML 13-6828,AS 18 C 3755,AS 25 DC 7385 bad AS 18 C 9016 ha lor ka ne ki pulit ki la register ia ka mukotduma.