Kem ki BSF ia u lehnoh ULFA, uba na Bangla

Shillong, 21 Nailur:
Hadien ba la ioh jingtip kaba paka ba kin don ki lehnoh ki ban wan na Bangladesh ban rung sha India , ki shipai BSF ba don ha Tura ki la ap ktem ia ki bad ki la ioh kem ia uwei u lehnoh ULFA ba na Bangladesh, la kem ia u na Kachhua-dogri, West Garo Hills district. Utei u la pynithuh kyrteng ialade kum u Peramisom Marak, 19 snem karta na ka shnong Badagazni, PS-Jhenaigati, Distt-Sherpur , Bangladesh. La ioh kurup na u kawei ka 9 mm pistol, 2 tylli ka 9 mm mag, 8 tylli ki kuli 9 mm, kawei ka mobile phone kaba don ia ka simcard Bangladesh. Utei u la phla ha ki BSF ba u la trei bad ka seng ULFA ha Bangladesh la lai snem eiei mynta bad u don ka jingiadei kaba jan eh bad u Dristi Rajkhowa Dy. C-in-C, ULFA bad u nongpahara jong u.
Ula phla ruh ba u pynpoi tiar siat sha kitei kilehnoh bad u dei rh u nongiarap jong ki dkhot katei ka seng kiba don ha ka shnong Badagazni ba kin ioh ryngkang pud. Ka Badagazni ka dei ka jaka kaba hap ha Bangladesh kaba ki riehtngen ki lehnoh na ka ri India namarba ki ju ia dei bha bad ki riewlum kiba sah ha katei ka shnong,ong ka khubor na ki BSF. Ki BSF ki la ong ruh ba ki briew katei ka shnong ki ju leh isynei bad iarap ia ki seng lehnoh.