Kem ki BSF 30 song ki dynamait na Bholaganj

Shillong, 30 Jylliew:
Ki shipai BSF, kiba la pynlong ka jingpahra kaba husiar bha na ka jingsuba don ki lehnoh, ki la ioh ban kem lai phew song ki kynja dynamait (Neogel Explosive (class-II) na Bholaganj, ha khappud India- Bangladesh myn ha ka sngi Balang.
Ki shipai BSF ki la suba ba don ki nongkhaii tuh ia kine ki tiar pynmynsaw bad ha ka jingpyrshang ban kem ia ki pnban kine ki nongkhaii ki la ioh lad ban phet sha khlaw na ka daw jong ka jingdum jong ka miet . Ki shipai BSF ki la ioh ban kem ia kine ki tiar la shna ha ka SBL energy Ltd., Yenvera, Distt-Nagpur, Maharashtra (India).
Wat la ia kine jingsiat dei ban pyndon kam ha ki jaka tih mawshun hynrei la don pat ka jingdie tuh ia ki ong ki BSF.Ha kawei pat ka jingjia ki shipai BSF kila ioh ban kem 33 tylli ki masi na Lyngkhat katba ki nongkhaii tuh ki dang thmu ban pynrung ia kine ki masi sha Bangladesh.
Ka jingdon kam masi ka jur bha ha Bangladesh namar ba ka jingle niam IdUl- Fiter ka la jan. Ia kine ki masi ba la kem la aiti sha ki bor jong ka ain ban leh ia kaba don kam.