Kem khar Bangla ka KSU na Pyrnai

Shillong, 30 Naitung:
Ka KSU South Central East ka la ioh bat 12 ngut ki dkhar Bangladesh na jan shnong Pyrnai kaba don harum Pynursla.Kine ki dkhar ki dei kiba wan na ka thain Assam bad ki la wan poi sha katei ka thain.
Ia kine ki dkhat Bangla la ioh bat ka seng da ka jingiatreilang bad u rangbah shnong ka Maw beh bad ka shnong Pyrnai na kawei ka iing ba wanrah uwei u kontraktor ban trei kam. U general secretary ka seng u samla Victor More Khongstir u la ong ba ia kine ki dkhar ki wan sha katei ka jaka khlem kot ki sla.
Ka seng hadien tohkit ba kim don ki kot ki sla ban pynshisha ba kim dei ki nongIndia, ka la aiti noh ia ki pulit ka Pynursla ban leh ia kaba donkam.
“La maham ruh ia ki kontraktor ba kim dei ban wanrah dkhar khlem ki kot ki sla kiba biang”, la ong u samla Victor bad maham ba ka seng kan ym map lada ki lah biang ba ki wanrah dkhar.
U la ong ba ka seng ka dawa ruh ba dei ban pyntreikam noh ia ka Inner Line Permit (ILP) khnang ba khang lad ia ki mynder ban wan sha kane ka jylla.