Kem khar Bangla, ka FKJGP na Bataw

Jowai, 11 Nailar:
Ki nongialam bad ki dkhot jong ka FGKJP Bataw Unit hapoh ka jingialam u President Mathew Pajat bad u General Secretary- u Ampli Supsi ki la iohkem ia 14 ngut ki Nong-Bangladeshi hynnin ka meit sngi U Blei.
Kitei ki Khar Bangla ki dang wan na Kwator ban leit sha Ladrymbai da kawei ka kali Sumo. Ki Nongialam ka FKJGP Bataw Unit ki la iathuh ba kitei ki Bar-ri ki la wan rung sha India lyngba ka shnong Kwator bad ka jingthmu jong ki ka long ban leit sha Jalaphet ban trei dewiong.
La iohkem ia ki na kawei ka jaka kaba la tip kum ka Khlieh-Um-Syngki ha Bataw ha ka por 7:30pm bad la wan ban aiti ia ki sha ki Pulit ha Ladrymbai ha ka por 11:00 pm hynnin ka meit.
Katba ki dkhot bad nongialam ka FKJGP Bataw ki dang kit ia ki na Bataw sha Ladrymbai 3 ngut ki la kynthih na jrong kali bad ki la ioh ban phetrieh.
Kitei kiba la shah kem ki dei kiba la tip kyrteng kum u  Md. Hobil Khan (20), Md. Abdullah Khan (20), Md. Jagir Khan (22), Md. Sahat Khan (18), Md. Sahadam Ahmed (18), Nasim Khan (25), Md. Moor Alam Chaudhury (18), Md. Muslim Uddin (24), Md. Sahim Khan (19), Md. Minaj Khan (18) bad u Md. Habip Uddin (24) bad baroh kidei kiba na Sylhet District jong ka ri Bangladesh.