Kem khar Bang ka KSU Sahsniang

Shillong,8 Nailur:
Mynta ka sngi ka KSU Sahsniang Unit ki la ioh bat ia uwei u khar Bangla ba la tip kyrteng kum u Safibool Islam hapoh ka shnong uba la juh shah bthah bym dei ban rung jubor bad khaii beain shapoh shnong poh thaw kat kum ka ain shnong.
Ha ka jingtohkit la lap ba utei u mynder ri um don ki kot ki sla biang kum ka Trading License ne ki kot ba donkam bad u kam ba don ki Dalal Pnar hi ba phah ia u ban leit khaii sha kine ki thain bad u ong ruh ba ma u bad ki kynhun kiba khaii beain jong u ki sahwai ha kawei ka shnong marjan. Ka KSU ha ka jingdon ryngkat u President bad Genl secretary, ka ai
jingsneng ia u ba um bit shuh ban wan sha ka shnong Sahsniang bad
khaii beain bad ka bthah ruh ia ki kynhun jong u ia ka juh ka
jingmaham ba lada ki wan ka seng kan ym kitkhlieh.
Ka seng ruh ka pynrem ia ki riewkhwan myntoi shimet kiba kdup ia kine ki khar Bangla muslim ban pynkharoi ia ki.
Ka KSU Sahsniang Unit ka kyntu ia ka JHADC ba kan leh ia ka kamram ha kaba khanglad ia kum kine ki mynder ri kiba wan ym tang ban lushia ia ka thain hynrei ka jingthmu ban kurup ruh ia ka khaii pateng.
Kum ban pynkynmaw ka KSU Jaintia Hills District Unit hapoh ka jingialam u samla Ohibait Dkhar, Vice President ki la dep ia kynduh ia u ma Thombor Shiwat , CEM halor kane bad u la kular ruh ban leh.
Kane ka long ka kyrwoh na u samla J.Lathong , President bad Samla B.
Kamar, Genl Secretary KSU Sahsniang Unit.