Shillong: U Dinesh Bhatia, Associate Professor jong ka NEHU, uba dei peit ia ka tnat bio-medical engineering, ula shah kem ha ka CBI, ha ka sngi thohdieng, namar ba u shim pisa tuh, ong ka khubor.
La kem ia U Bhatia, ba u shim pisa T.40,000 bad ula shim ia katei ka pisa, na u samla, uba ialeh PhD, hapoh ka jingpeit jongu. La iathuh ba katei ka dei ka pisa tuh, kaba la thep da utei U Professor sha ka account jong utei u nong ujor, ha kaba ula sei biang ia katei ka pisa bad ai sha U Bhatia. Ka CBI, ka la tohkit halor katei ka jingjia bad ka la ujor ruh halor ka jingdon pisa beain jong utei u Profesor ha kti bad la talasi ia ka ophis lem bad ka iing sah jongu.