Nongpoh: Kawei ka iing kaba don hapoh ka shnong Sumer Umbang Ri Bhoi, kaba dei ka iing jong ka Martina Lyngdoh Nonglait bad u Shainingstar Marpna, ka la ingkhong khait hadien ba ka ding kala klang bad bam duh ia ka iing bad ki jingdon jingem baroh.
Katei ka jingjia ka la jia hynne ka sngi ha ka por 11:50 baje mynstep, ha kaba ka ding ia kaba la suba ba ka la mih na ka jingthud ka bording elektrik, ka la kem ding kynsan bad kaba la la pur sted ban khlang da kaba bam duh ia baroh ki jingdon jingem hapoh jong katei ka iing.
Wat la ka jingjulor hapoh jong katei ka jingpluh iing, ka la julor bha, hynrei donbok pat ba ym shem la don kano kano ka jingjia kaba sngewsih ne kaba ktah ia ki mynsiem briew. Kumta haba iadei bad katei ka jingpluh katei ka iing, ki trai jong katei ka iing, ki la iathuh ba ka jingjulor kam duna ia ka T. 3 lak tyngka, namar baroh ki jingdon jingem hapoh katei ka iing ki la julor lut khait.
Phi don ban ong eiei?