Kem ding ka taksi kamai ha Rhino myntan ka janmiet

Shillong: Ka kali kamai local taksi, ka la kem ding mynta ka janmiet ha Rhino. Katei ka kali ka don ia ka number ML 05 E 2824.

Ka khubor pulit ka iathuh ba ka jingkem ding, ka dei na ka daw jong katei hi ka kali bad kam dei ba la don mano mano ba thang ne leh dusmon.
La iathuh shuh shuh, ba ym don ba mynsaw mano mano ruh na katei ka jingjia, tangba ka kali te ka la julor shaba palat. Ki la don ki kali pynlip ding, kiba leit ban pynlip ia ka ding kaba klang, hynrei, la sngewthuh ba ka shim por ban pynlip ia ka ding, kaba la bam duh ia ka kali baroh kawei.