Shillong: Mynta ka miet jong ka 17 tarik u Rymphang 2021, kumba 7 baje ne 7 shiteng eiei ka la don ka jingkem ding kynsan ha ka Iew dielang lane ka basa die jhur kaba don ha Iewduh, hynrei tang katto katne por la lah ban pynlip noh iakane ka ding da ka jingpoi kloi jong ki kali pynlip kiba la kloi ban wan poi ha kane ka jaka bad ban tem noh ia kane ka ding ba kan pur shane shatei.
Haba iakren bad katto katne, ki laad pathai khubor, u Myntri ka Hima Mylliem, u Myntri MB Kharlukhi u la iathuh ba ka jingdaw jong kane ka jingkem ding ka dei namar ka jingbakla jong ki nongring phlim hakaba ka Banaras Media Work kaba la wan ban ring phlim ha Iewduh bad ynda ki la dep ia ki kam ki jam ki jong ki ban ring phlim, ki la khreh ban lum ban lang noh ia ki tiar ki tar ki jong ki hynrei na ka daw ka jingbakla ha ka generator kumta hangta ka la meh kynsan ka ding.
Ia kaba mynta hi ym pat la ban iathuh ia ka jingjulor bad ia u trai jong kane ka dukan hynrei ym shym la don pat kano kano ba mynsaw ha kane ka jingjia.
Phi don ban ong eiei?