U trai jong ka klob Leicester City, u don lang hynnin ka miet, hapoh jong ka helicopter jongu, ha ka por ba ka bthei, ha ka por ba ka mih na ka madan ialehkai jong katei ka Club, ha ka por 9 duna eiei, hadien ba la wai ka jingialehkai ha katei ka madan.
Kiba don lang ki long U Vichai Srivaddhanaprabha, ka khun kynthei jongu, kaba dang khie samla, arngut ki nongniah katei ka helicopter bad sa uwei de u briew, uba don lang ha katei ka por ba ki mih na King Power Stadium, ha England.
Ka dur haneng, ka dei ha ka por ba ka helicopter, ka dang kem ding bad kaba harum, ka dei hadien ba ka la kylla dpei bad ingkhong lut khait
Ym tip satia haduh mynta, ia kaei kaba la jia ia ki briew, kiba don ha katei ka helicopter, ba kynthup ia U Srivaddhanaprabha (60), uba don 4ngut ki khun.
Ka jingjia, ka dei ha ka por 8.45 hynnin ka miet, ha ka por jong ka London, ha kaba la iathuh ba ka engine jong ka helicopter, kam trei kam kynsan bad hadien kata, ka sa don ka jingbthei bad ka jingkem ding kaba heh bha bad hangta ka sa hap ka liengsuin sha madan.
La iathuh ba ula don uwei u pulit, uba la pynpait ia ka jingkhang jong ka helicopter, ha ka por jong katei ka jingjia, tangba ym shym la lah ban tip, la u ioh ne em ban sei ia kito kiba don hapoh, namar ha katei hi ka khyllipmat, ka helicopter, ka la kem ding bad ka jingbthei bad ka jingkiew ka thylliej ding, ka la her ha ki sahit bneng.
Katei ka helicopter, ka dei ka jong ka kompeni Augusta Westland AW-169.
Na ka liang ka Leicester City, ka la pynshai mynta ka sngi, ba ka khun samla jong U Srivaddhanaprabha, kam don lang satia hynnin, ha katei ka por, jong ka jingbthei ka liengsuin.