Shillong:Ka HYC Mawlai circle ha ryngkat ka Mawiong unit myn hynnin ka janmiet, hadien ba ki la pyndep ia ka jingsynreit dawai, ki la ioh ban bat ia 2 tylli ki sumo ba la i shan khmat, ka MLO5 K 4083 bad MLO5 K 1524 kaba la kit ia ki bar Jylla suda, kiba wan napoh Assam.
Haba kylli na kitei ki bar Jylla, ki la iathuh ba ki don baroh 10 ngut bad ki wan na Assam da kaba thmu ban leit bylla sha ki thain Mawdiangdiang, ki la iathuh de ba ki la ioh ka special permit na ka Sorkar.
Haba iakren bad u Organising secretary Mawlai circle, Samla Shanbor Marwein u la pynpaw ka jingbitar ia ka sorkar kaba la pynjari ia kata ka pakhang shnong, hapoh ka Jylla, katba ia ki bar Jylla pat ka pdiang burom sop sop lyngba ka special permit ban rung hapoh jong ka. Ka seng hadien ba ka ladep tohkit ka la phah pynphai pat ia kitei ki bar Jylla baroh 2 sumo sha ka jaka ba ki wan, ong ka kyrwoh ba la phah da u General secretary Bashan Lyngdoh.
Shu kumne shi kumne man ka por, ym don Kam shuh ban pah leit phai dei ban leit buh beit ha iing u ba ai permit me car pass. Lane shu pynpra noh ia ka khyrdop ha umling ym donkam ba buh khyrdop dei ban shu ia ap gate noh la Jong ha la ki shnong.